89കാരനായ ഭര്‍ത്താവ് പതിവായി ലൈംഗിക ബന്ധത്തിന് നിര്‍ബന്ധിക്കുന്നെന്ന പരാതിയുമായി 87കാരിയായ ഭാര്യ രംഗത്ത്.
ഗുജറാത്തിലെ വഡോദരയിലാണ് ഞെട്ടിക്കുന്ന സംഭവം. ഭര്‍ത്താവിന്റെ ശല്യം സഹിക്കാന്‍ വയ്യാതായതോടെയാണ് വയോധികയും കുടുംബവും അഭയം ഹെല്‍പ് ലൈനില്‍ വിളിച്ച് പരാതിപ്പെട്ടത്. ഇതോടെയാണ് സംഭവം പുറംലോകമറിയുന്നത്.
’89 വയസുള്ള ‘ഹൈപ്പര്‍സെക്ഷ്വല്‍’ ഭര്‍ത്താവ് നിരന്തരം ലൈംഗിക ബന്ധത്തിന് നിര്‍ബന്ധിക്കുന്നു. സുഖമില്ലാതെ കിടപ്പിലായ ഭാര്യക്ക് അയാളുടെ ആവശ്യങ്ങള്‍ നിറവേറ്റാന്‍ കഴിയുന്നില്ല.
പക്ഷേ അയാള്‍ നിര്‍ബന്ധിച്ച് കൊണ്ടിരിക്കുകയാണ്. ഇതിന് വിസമ്മതിക്കുമ്പോള്‍ ഉപദ്രവിക്കുകയും ചെയ്യുന്നുവെന്നാണ് ഹെല്‍പ് ലൈന്‍ പ്രവര്‍ത്തകര്‍ പറയുന്നത്.
സ്ത്രീകളുടെ പരാതികള്‍ കേള്‍ക്കാനും അവരെ സഹായിക്കാനും പരിശീലനം ലഭിച്ച ആളുകളാണ് അഭയത്തില്‍ വര്‍ക്ക് ചെയ്യുന്നത്.
ദമ്പതിമാര്‍ തമ്മില്‍ ആരോഗ്യകരമായ ലൈംഗിക ബന്ധം പുലര്‍ത്തിയിരുന്നെന്നാണ് അഭയത്തിലെ ഉദ്യോഗസ്ഥര് പറയുന്നത്.
എന്നാല്‍ സുഖമില്ലാതെ ആയതോടെ 87കാരി കിടപ്പിലായി. നിലവില്‍ മകന്റെയോ, മരുമകളുടെയോ സഹായം ഇല്ലാതെ കിടക്കയില്‍ നിന്ന് എഴുനേല്‍ക്കാനോ, നടക്കാനോ ഇവര്‍ക്ക് കഴിയുന്നില്ല.
ഭാര്യയുടെ ആരോഗ്യാവസ്ഥ 89കാരന് നന്നായി അറിയാം. എന്നിട്ടും ലൈംഗിക ബന്ധത്തിന് നിര്‍ബന്ധിക്കുകയാണ്.
ഈ സാഹചര്യത്തിലാണ് വയോധികനതെിരെ കുടുംബം പരാതിയുമായെത്തിയത്. ലൈംഗിക ബന്ധത്തിന് 87കാരി വിസമ്മതിച്ചതോടെ ഭര്‍ത്താവ് ബഹളം വയ്ക്കുകയും വീട്ടില്‍ പ്രശ്‌നങ്ങളുണ്ടാക്കുകയുമായിരുന്നു.
ഇക്കാര്യം ആവശ്യപ്പെട്ടാണ് ഇയാള്‍ ബഹളം വയ്ക്കുന്നതെന്ന് അയല്‍വക്കക്കാര്‍ക്കും അറിയാം. ഇയാളുടെ പ്രകടനങ്ങള്‍ കണ്ട് മടുത്താണ് കുടുംബം അഭയത്തിലേക്ക് വിളിച്ച് സഹായം ആവശ്യപ്പെട്ടത്.
അഭയം ഹെല്‍പ് ലൈനിലെ ഒരുസംഘം ആളുകള്‍ വീട്ടിലെത്തുകയും വയോധികന് കൗണ്‍സലിങ് നല്‍കാന്‍ ശ്രമിക്കുകയും ചെയ്തു.
തന്റെ ആവശ്യങ്ങള്‍ നിയന്ത്രിക്കാനും യോഗ ചെയ്യാനും ഇവര്‍ നിര്‍ദേശിച്ചു. സീനിയര്‍ സിറ്റിസണ്‍ ക്ലബില്‍ ചേരാനും അധികൃതര്‍ നിര്‍ദേശിച്ചിട്ടുണ്ട്.
ഇതിനുപുറമെ ഒരു സെക്സോളജിസ്റ്റിനെ കണ്ട് ചികിത്സ തേടാനും കുടുംബത്തോട് ആവശ്യപ്പെട്ടു. അമിത ലൈംഗികാസക്തി പ്രകടിപ്പിക്കുന്ന ഹൈപ്പര്‍ സെക്ഷ്വല്‍ എന്ന അവസ്ഥയാണ് ഈ വയോധികന് എന്നാണ് നിഗമനം.
